Hlutabréfaverð í Play lækkaði um 16,76%
Setja bókamerki
Gengi hlutabréfa í flugfélaginu Play lækkaði um 16,76 prósent á markaði í dag. Viðskipti með bréf félagsins voru þó nokkuð lítil, eða fyrir aðeins 12 milljónir króna. Gengi félagsins stendur í 0,77 krónum á hlut en markaðsvirði félagsins er nú rúmur einn milljarður og 456 milljónir.
Play var athugunarmerkt hjá Kauphöllinni þann 17. febrúar og var þá vísað í tilkynningu þar sem kom fram ábending endurskoðanda í ársreikningi félagsins fyrir árið 2024. Athugunarmerkingin er framkvæmd með vísan í ákvæði 4.1.1. (f) í reglubók Nasdaq en þar er vísað til óvissu um fjárhagsstöðu félags.
Oculis hækkaði mest
Bréf Alvotech lækkuðu næst mest í viðskiptum í Kauphöllinni í dag, en gengi hlutabréfa félagsins lækkaði um 3,2 prósent. Hlutur í félaginu er metinn á 1.655 krónur.
Gengi hlutabréfa í líftæknifyrirtækinu Oculis Holding hækkaði mest allra í Kauphöllinni í dag, en gengi hlutabréfa félagsins hækkaði um 2,72 prósent. Oculis hefur verið skráð í Kauphöllina síðan í apríl síðastliðinn.
Úrvalsvísitalan lækkaði um 0,87 prósent í viðskiptum dagsins.
„Viðhaldið er bara verulega svelt“
Ísland háskattaland miðað við önnur lönd
„Algjörlega nýr“ meirihluti í borgarstjórn
Nýtt algengt kynferðisbrot barna rakið til Tiktok
Borgarstjóri vinstrimeirihluta óráðinn
Segja Ástráð hafa lagt fram tillögu þvert á vilja SÍS
/frimg/1/55/0/1550059.jpg)
Hugmyndin spratt upp hjá grasrótinni í Árborg
Fyrsta banaslysið í umferðinni í ár