65 ára ánægðust

Sparisjóðurinn Indó mælist hátt í ánægju meðal almennings og viðskiptavina, eins og þeir Haukur Skúlason stofnandi og Tryggvi Björn Davíðsson stofnandi og framkvæmdastjóri sýna blaðamanni. Sparisjóðurinn á ánægðustu viðskiptavini allra mældra fyrirtækja samkvæmt Íslensku ánægjuvoginni og þeir eru fyrirtækið sem flestir Íslendingar mæla með hjá greiningarfyrirtækinu Maskínu. Indó er með jákvæðustu ímynd fyrirtækis 2024 af öllum 78 mældum íslenskum fyrirtækjum samkvæmt EMC markaðsrannsóknum og er fyrsta val Íslendinga fyrir bankaþjónustu samkvæmt könnun Prósents.

Fjölgar hratt

„Margir halda kannski að unga fólkið sé það sem er ánægðast hjá okkur þar sem við erum tæknidrifinn nýbanki. En það er einmitt öfugt. Fólk 65 ára og eldra er ánægðustu viðskiptavinirnir okkar. Því fjölgar líka hratt í viðskiptavinahópnum,“ segir Haukur og brosir.