Bilun í tölvukerfi leiðir til afsláttar

Í gær varð bilun í tölvukerfi Olís og Ób. sem olli viðskiptavinum einhverjum vandkvæðum.

Samkvæmt tilkynningu frá félaginu veitir það 20 króna afslátt af eldsneytisverði í dag vegna þessa.

Haft er eftir Ingunni Svölu Leifsdóttur, framkvæmdastjóra Olís: 

„Við hörmum þau óþægindi sem þessi skammvinna bilun kann að hafa valdið. Viðskiptavinir okkar eru afar mikilvægir og því ákváðum við að bjóða upp á þessi frábæru afsláttarkjör í dag.“ 

• Blogga um frétt