Kári S. Friðriksson hagfræðingur hjá Arion segir að lækkunin hafi verið algjörlega í takt við spár.

„Þótt hún feli í sér að raunstýrivextir, miðað við verðbólgu og verðbólguvæntingar, fari undir þau 4% sem nefndin hefur miðað við undanfarið ár, þá lítur hún ekki svo á að hún sé í raun að draga úr aðhaldi, enda eru horfur á að þeir hækki til baka fram að næsta fundi,“ segir Kári.

Hann bætir við að verðbólga hafi verið að hjaðna, verðbólga án húsnæðis hefur mælst nálægt markmiði síðan í september og því er mjög jákvætt upp á framhaldið að húsnæðismarkaðurinn hafi verið að kólna.

„Sigurinn er þó ekki í höfn og nefndin sér fram á að þurfa áfram þétt taumhald til þess að ná að klára síðustu metrana,“ segir hann að lokum.

Verðbólga var 4,2% í febrúar og hefur ekki verið minni í fjögur ár. Í tilkynningu peningastefnunefndar kemur fram að hjöðnun verðbólgu sé á breiðum grunni og undirliggjandi verðbólga hafi því einnig minnkað. Útlit er fyrir að áfram dragi úr verðbólgu á næstu mánuðum. Verðbólguþrýstingur fyrirfinnst þó enn svo og óvissa í alþjóðamálum. Enn mælist mikil hækkun launakostnaðar og verðbólguvæntingar eru áfram yfir markmiði.

Tengdar fréttir

Vextir á Íslandi

Gætum séð fjölgun ferðamanna frá Evrópu

• Skilur afstöðu peninganefndar til vaxtalækkana
• Ekkert sem bendir til annars en að þróunin haldi áfram
• „Prógrammið er að virka“
• Reiknaði með meiri lækkun

» Fleiri tengdar fréttir