Enski boltinn styrkir stöðuna

Herdís Dröfn Fjeldsted, forstjóri fjölmiðla- og fjarskiptafélagsins Sýnar, segir að ítarleg viðskiptaáætlun liggi til grundvallar kaupum fyrirtækisins á þriggja ára sýningarrétti á enska boltanum sem hefur göngu sína á Sýn næsta haust. Þá segir hún að varan veiti fyrirtækinu margvíslega möguleika til að styrkja stöðu sína á einstaklingsmarkaði.

Enski boltinn hefur lengi notið vinsælda á Íslandi. Síminn hefur haft sýningarréttinn síðan árið 2019 og bauð í áframhaldandi sýningar, en Sýn hafði betur.

Samkvæmt heimildum ViðskiptaMoggans greiddi Sýn meira en 24 milljónir evra fyrir réttinn eða meira en 3,5 milljarða króna.