Hlutabréfaverð Nike hrundi eftir tilkynningu Trumps
Hlutabréf í skófyrirtækjum lækkuðu í gengi eftir að Trump kynnti umfangsmikla tolla.
AFP/Kevin C. Cox
Setja bókamerki
Hlutabréfaverð Nike lækkaði um 6% strax í kjölfar þess að Donald Trump Bandaríkjaforseti tilkynnti um umfangsmikla tolla á þjóðir víða um heim.
Trump kynnti gagntolla á fjölda þjóða og þær þjóðir sem framleiða vörur Nike lentu illa í barðinu á þessum tollum.
46% tollur verður lagður á vörur frá Víetnam, 34% á Kína og 32% á Indónesíu en 95% af vörum skófyrirtækisins eru framleiddar í þessum löndum.
Wall Street Journal greinir frá.
Gengi hlutabréfa í fleiri skófyrirtækjum lækka
Eins og flest bandarísk skómerki hefur Nike lengi reitt sig á verksmiðjur í Asíu til að framleiða vörur sínar.
Nike hafði fært framleiðslu sína frá Kína sem aðal framleiðsluaðila til landa eins og Víetnam og Indónesíu.
Hlutabréfaverð í Skechers, Deckers og Crocs lækkaði einnig við þessar fréttir.
Áforma þéttingu með félagslegum íbúðum í Grafarvogi
Gætum átt von á óvæntum atburðum
Afnema samsköttun: Segir fjölskyldum refsað
Frumvarpið án lögboðins samráðs
Ýjar að Ásthildi Lóu hafi verið fórnað
Aukið samstarf við risaríkin tvö í Asíu
Segir samráðsleysi lögbrot