Ágæt þróun en alþjóðleg óvissa vofir yfir

Óvissa tengd inn­flutn­ing­stoll­um Banda­ríkj­anna varp­ar skugga á horf­urn­ar en 90 daga frest­ur hef­ur verið veitt­ur af öll­um of­ur­toll­um, en lönd heims­ins fá á sig 10% toll utan Kína sem enn er með 145% toll. Ef vernd­ar­stefn­an breiðist út gæti það haft áhrif á út­flutn­ing og ferðamennsku. Viðskipta­jöfnuður verður nei­kvæður út spá­tíma­bilið, þrátt fyr­ir vænt­an­leg­an af­gang af vöru- og þjón­ustu­jöfnuði.

Grein­ing­ar­deild­in und­ir­strik­ar að þótt hag­kerfið hafi náð jafn­vægi eft­ir heims­far­ald­ur­inn ráði þróun í alþjóðlegu um­hverfi úr­slit­um næstu ár. Morg­un­blaðið leitaði til Unu Jóns­dótt­ur aðal­hag­fræðings Lands­bank­ans fyr­ir frek­ara mat á stöðunni:

„Óvissa er mik­il um þess­ar mund­ir og má segja að hagspá­in haldi þar til annað kem­ur í ljós. Við erum þó nokkuð bjart­sýn á horf­urn­ar og spá­um aukn­um hag­vexti út spá­tím­ann. Það má þó gera ráð fyr­ir að út­flutn­ings­grein­ar okk­ar, sér­stak­lega ferðaþjón­ust­an, finni mögu­lega fyr­ir áhrif­um af versn­andi efna­hags­horfum er­lend­is og því spá­um við nær óbreytt­um fjölda ferðamanna til lands­ins í ár sam­an­borið við síðasta ár. Svo á eft­ir að koma í ljós hverju fram vind­ur í alþjóðaviðskipt­um og hvort fleiri út­flutn­ings­grein­ar verði fyr­ir skakka­föll­um.“ mj@mbl.is