Viðskiptastríð um fágætismálma

Þessi stefna gæti skýrt áhuga Trumps á Græn­landi, þar sem talið er að um­tals­verð auðlinda­svæði með fá­gæt­is­málm­um sé að finna. Íslenska fyr­ir­tækið Amar­oq Miner­als hef­ur verið virkt í leit að slík­um málm­um á svæðinu. Auk þess hafa Banda­rík­in sýnt áhuga á að tryggja aðgang að málm­um í Úkraínu, sem einnig býr yfir verðmæt­um auðlind­um, þó að viðræður þar hafi verið erfiðar.

Þessi þróun hef­ur haft áhrif á markaði, þar sem hluta­bréf í fyr­ir­tækj­um sem tengj­ast fram­leiðslu og vinnslu fá­gæt­is­málma hafa hækkað veru­lega. Sér­fræðing­ar vara þó við að þessi stefna geti haft nei­kvæð áhrif til skemmri tíma, en mögu­lega styrkt stöðu Banda­ríkj­anna til lengri tíma litið.

Þró­un­in sýn­ir hversu viðkvæm alþjóðleg aðfanga­keðja er fyr­ir póli­tísk­um ákvörðunum – og að áhersla Trumps á sjálf­bærni og eig­in auðlind­ir kann að marka þátta­skil í því hvernig vest­ræn ríki skipu­leggja ör­yggi aðfanga á næstu árum.