Þurfum að horfa til samkeppnishæfni

Heiðrún Jóns­dótt­ir, fram­kvæmda­stjóri Sam­taka fyr­ir­tækja í fjár­málaþjón­ustu (SFF), var gest­ur í viðskipta­hluta Dag­mála þessa vik­una. Rætt var um framtíð og rekstr­ar­um­hverfi fjár­mála­fyr­ir­tækja, árs­fund SFF sem hald­inn var á dög­un­um og ým­is­legt fleira.

Spurð hverj­ar séu helstu áskor­an­irn­ar sem fjár­mála­kerfið glími við í dag seg­ir Heiðrún að það sé að sjálf­sögðu háir vext­ir og verðbólga.

„Það er ekki bara fjár­mála­kerfið held­ur nátt­úru­lega er það bara allt sam­fé­lagið sem að kall­ar eft­ir því að við náum tök­um á verðbólg­unni og vext­ir lækki í kjöl­farið. Þetta er á réttri leið og von­andi kem­ur ekk­ert bak­slag í það. Ef við horf­um bara svona til síðustu ára þar sem fjár­mála­kerfið, að stóru bank­arn­ir sér­stak­lega en fjár­mála­kerfið í heild líka, hef­ur náð þarna góðum tök­um í kostnaðaraðhaldi. Kostnaðar­hlut­fall bank­anna og fyr­ir­tækj­anna hef­ur lækkað mikið, þá ekki síst bara út af sta­f­rænni þróun og sjálf­virkni væðingu," seg­ir Heiðrún og bend­ir á að þannig hafi náðst góðir og mik­il­væg­ir áfang­ar.

„Við erum nátt­úru­lega bara mjög ánægð með það. Við höf­um hins veg­ar verið að horfa svo­lítið til þess núna hjá SFF að að við höf­um af því á svona ákveðnar áhyggj­ur af sam­keppn­is­hæfni þarna okk­ar Íslands á þessu sviði," seg­ir Heiðrún. 

Hún vís­ar í niður­stöðu sem kynnt­ar voru á fundi SFF í janú­ar.

„Við erum með hærri eig­in­fjár­bind­ing­ar og svo er bindiskyld­an hér þrjú pró­sent en eitt pró­sent víðast hvar í kring­um okk­ur. Og þetta er nátt­úru­lega eitt­hvað sem skekk­ir þarna sam­keppn­is­hæfn­ina, en þó ekki þannig að við séum ekki sam­keppn­is­hæf. En við sem bara þjóð þurf­um al­mennt að horfa til sam­keppn­is­hæfni," seg­ir Heiðrún.

Áskrif­end­ur Morg­un­blaðsins geta horft á þátt­inn í heild sinni hér:

Evr­ópa hef­ur reglu­vætt sig úr sam­keppni

• Blogga um frétt