Flugfélögin rekin með tapi

Icelanda­ir hef­ur gefið út að fé­lagið hygg­ist skila hagnaði í ár og seg­ir Snorri að það séu yf­ir­gnæf­andi lík­ur á rekstr­ar­hagnaði hjá Icelanda­ir. Hann seg­ir margt benda til þess að hagræðing­araðgerðir fé­lags­ins séu að skila ár­angri.

„Ég horfi lítið til hagnaðar eft­ir skatt og horfi á sjóðstreymi. Inn í hagnað koma sveifl­ur í nú­v­irði kauprétt­ar­samn­inga og af­koma hlut­deild­ar­fé­laga sem skipt­ir ekki máli fyr­ir rekst­ur. Það eru þó mjög mikl­ar lík­ur á hagnaði,“ seg­ir Snorri.

Bogi Nils Boga­son for­stjóri Icelanda­ir seg­ir að fé­lagið sjái af­komu­bata á fyrsta árs­fjórðungi sem sé mjög já­kvætt og til skemmri tíma sjái fé­lagið fram á bætta af­komu á öðrum og þriðja árs­fjórðungi.

Hægst á lang­tíma­bók­un­um

„Hins veg­ar er ákveðin óvissa ef horft er lengra fram í tím­ann og það hef­ur hægst á lang­tíma­bók­un­um. Þetta er í takt við það sem við höf­um séð áður þegar óvissa rík­ir í alþjóðaum­hverf­inu en reynsl­an sýn­ir okk­ur líka að hlut­irn­ir geta breyst hratt ef óvissa minnk­ar. Af þess­um sök­um staðfest­um við ekki þá af­komu­spá sem var gef­in út 30. janú­ar sl. með upp­gjör­inu núna og erum þar með ekki með út­gefna af­komu­spá fyr­ir árið í heild sinni,“ seg­ir Bogi.

Flug­fé­lög­in Icelanda­ir og Play birtu upp­gjör sín eft­ir lok­un markaða á þriðju­dag.

Icelanda­ir tapaði 44 millj­ón­um banda­ríkja­dala, eða um 6,1 millj­arði króna, á fyrsta fjórðungi þessa árs sam­an­borið við 59,4 millj­óna dala tap á sama tíma­bili í fyrra. Heild­ar­tekj­ur flug­fé­lags­ins juk­ust um 11% og námu 39,6 millj­örðum króna.

Eigið fé Icelanda­ir í lok fjórðungs­ins nam 241 millj­ón dala og var eig­in­fjár­hlut­fallið 13%.

Tap eft­ir skatta á fyrsta árs­fjórðungi 2025 hjá flug­fé­lag­inu Play nam 26,8 millj­ón­um dala, eða sem nem­ur 3,7 millj­örðum króna, sam­an­borið við 27,2 millj­ón­ir dala árið áður.

Eigið fé Play var nei­kvætt um 60,4 millj­ón­ir dala, sem nem­ur um 8 millj­örðum króna. Eig­in­fjár­hlut­fall fé­lags­ins er nú -16,6% en var -6,1% í lok sama árs­fjórðungs í fyrra.