Fasteignafélagið Eik vel í stakk búið til ytri vaxtar

Hreiðar starfaði lengi á er­lendri grundu. Í Bretlandi starfaði hann hjá fyr­ir­tæki sem sér­hæfði sig meðal ann­ars í ráðgjöf við gjaldþrota­skipti. Þar öðlaðist hann dýr­mæta reynslu á sviði end­ur­skipu­lagn­ing­ar fyr­ir­tækja í aðdrag­anda fjár­mála­hruns­ins.

Meðfram námi hóf Hreiðar störf hjá Kaupþingi aðeins 21 árs gam­all og var síðar hjá Glitni eft­ir hrun. Hann kom síðar til starfa hjá VÍS þar sem hann starfaði við fjár­fest­ing­ar fé­lags­ins. Þar nýtti hann sér­fræðiþekk­ingu sína í eign­a­stýr­ingu og viðskiptaþróun, meðal ann­ars við til­raun til yf­ir­töku­til­boðs í Kviku banka. Hann legg­ur sjálf­ur stund­um áherslu á að nálg­ast fjár­fest­ing­ar af hnit­miðaðri, leik­rænni hugs­un.

Árið 2019 hóf hann störf hjá Ari­on banka. Þar þróaði hann kred­it­stefnu bank­ans, tók þátt í þróun og sölu lána­safna og leiddi fjöl­mörg um­bóta­verk­efni á fyr­ir­tækja­sviði. Hann gegndi lyk­il­hlut­verki í breyt­ing­um á áhættu­vilja bank­ans, í yf­ir­töku- og al­menn­um fjár­mögn­un­ar­verk­efn­um.

Hreiðar hef­ur starfað náið með fjölda lyk­il­stjórn­enda í ís­lensku at­vinnu­lífi, þar á meðal Jakob Sig­urðssyni, Ásgeiri Helga Reyk­fjörð Gylfa­syni og Jóni Finn­boga­syni, og lýs­ir hann mik­illi aðdáun sinni á þeim sem sam­starfs­mönn­um og leiðtog­um.

Spurður hverj­ar séu helstu áskor­an­irn­ar sem hann hafi glímt við á ferl­in­um seg­ist hann aldrei líta þannig á að verk­efn­in hverju sinni séu áskor­an­ir.

„Ég hef verið virki­lega þakk­lát­ur fyr­ir starfs­fer­il minn. Ég trúi því varla að ég fái borgað fyr­ir að gera þetta þar sem mér finnst þetta svo skemmti­legt.“

Mörg stór augna­blik í ráðgjöf­inni

Á meðan Hreiðar stýrði fyr­ir­tækjaráðgjöf Ari­on banka stóð hann að baki mörg­um af stærstu og eft­ir­minni­leg­ustu fyr­ir­tækjaviðskipt­um á Íslandi á síðustu árum. Með skýrri stefnu, mik­illi elju og traustu sam­bandi við viðskipta­vini leiddi hann fjöl­mörg stór­verk­efni til lykta.

Spurður hver hafi verið þau eft­ir­minni­leg­ustu rifjar Hreiðar upp eitt eft­ir­minni­leg­asta augna­blik fer­ils­ins í ráðgjöf­inni þar sem hann lýs­ir því þegar Gunn­laug­ur Sæv­ar Gunn­laugs­son, stjórn­ar­formaður Ísfé­lags­ins hélt ávarp á skrán­ing­ar­degi fé­lags­ins á aðal­markaði. Um borð í upp­sjáv­ar­skip­inu Sig­urði VE-15 heyrði Hreiðar hlý orð um fram­lag sitt og ráðgjöf Ari­on banka, og er það stund sem hann minn­ist með mik­illi hlýju. Sama dag var tek­in mynd af Hreiðari ásamt Gunn­laugi, Guðbjörgu Matth­ías­dótt­ur og Ein­ari Sig­urðssyni með bjöllu kaup­hall­ar­inn­ar í bak­grunni.

„Það er minn­ing sem mér þykir sér­stak­lega vænt um og er virki­lega eft­ir­minni­legt augna­blik, þetta er gott fólk sem hef­ur lagt gríðarlega til sam­fé­lags­ins okk­ar í gegn­um ára­tug­ina, okk­ur öll­um til lífs­gæðaauka,“ seg­ir Hreiðar.

Annað stórt skref á þess­um tíma var til­kynn­ing um kaup PT Capital á öll­um hluta­bréf­um í Nova, sem markaði mik­il­vægt augna­blik á ferli hans. 16. júní 2021 stend­ur sér­stak­lega upp úr, þar sem viðskipt­in voru bæði fjár­hags­lega sterk fyr­ir bank­ann og tákn­ræn fyr­ir ár­ang­ur ráðgjaf­ar Ari­on.

„Yf­ir­töku­til­boð Strengs á Skelj­ungi var verk­efni sem markaði vatna­skil í rekstri Ari­on banka, en hægt er að tala um Ari­on banka fyr­ir og eft­ir Skelj­ung. Við sem að því stóðum vit­um hvaða áhrif það hafði inn­an bank­ans, að sjá fyrsta al­vöru yf­ir­töku­til­boðið í meira en ára­tug fara í loftið og sjá aðferðirn­ar sem þar var beitt. Er­lend reynsla teym­is­ins og sam­starfsaðila okk­ar í Taconic Capital skipti þarna öllu máli.“

Í janú­ar síðastliðnum upp­lifði Hreiðar annað stór­kost­legt augna­blik þegar hann stóð á kaup­hall­argólf­inu hjá New York Stock Exchange í New York og fylgd­ist með sam­ein­ingu JBT og Mar­el, sem markaði lúkn­ingu á stærstu fyr­ir­tækjaviðskipt­um Íslands­sög­unn­ar. Hann seg­ir að þó að nýir tím­ar séu runn­ir upp hjá Eik fast­eigna­fé­lagi viður­kenni hann að hann muni alltaf sakna sam­starfs­fé­lag­anna úr fyr­ir­tækjaráðgjöf­inni.
„Ég mun alltaf bera mikla virðingu fyr­ir teymi mínu hjá Ari­on banka. Það var mér bæði heiður og ánægja að starfa með þeim frá­bæru ein­stak­ling­um, og sá andi sem þar ríkti mun ávallt lifa með mér,“ seg­ir hann.

Spurður hvað hann ætli að leggja áherslu á í störf­um sín­um og hvort hann sjái fram á að gera breyt­ing­ar á fyr­ir­tækja­menn­ing­unni eða rekstr­in­um seg­ir Hreiðar að of snemmt sé fyr­ir hann að svara því.

Hann legg­ur þó áherslu á að hann komi til starfa sem orku­mik­ill og ár­ang­urs­drif­inn leiðtogi.
„Ég get lofað einu – viðskipta­vin­ir verða sett­ir í fyrsta sæti og hlut­haf­arn­ir líka. Fast­eigna­fé­lög eru ekk­ert án góðra viðskipta­vina.“

Hreiðar und­ir­strik­ar mik­il­vægi þess að Eik geti ekki gengið vel nema viðskipta­vin­un­um gangi að minnsta kosti jafn vel og fé­lag­inu, helst bet­ur.

Framtíðar­sýn hans fyr­ir Eik er björt. Hann seg­ir eigna­safn fé­lags­ins vera „eins og að eiga einn millj­arð evra í smurðri vél“ og lít­ur svo á að staða Íslands í alþjóðlegu sam­hengi, bæði fjár­hags­lega og efna­hags­lega, sé ein­stak­lega sterk.

„Við eig­um bara frá­bær­ar eign­ir á frá­bær­um staðsetn­ing­um,“ seg­ir hann og bæt­ir við að hann vilji viðhalda þeirri stöðu og styrkja hana enn frek­ar.