Vefþjónustan hrundi eftir sjónvarpsþátt

Hún seg­ir að eft­ir viðtalið hafi ein­hver tími liðið og þau hjá Heima hafi ekki mikið verið að spá í hol­lenska þátt­inn. „Svo kvöld eitt í nóv­em­ber sama ár hryn­ur vefþjón­ust­an okk­ar og við vit­um í fyrstu ekk­ert um ástæðuna. Ég var í út­lönd­um þegar þetta gerðist og fæ sam­tal frá Sig­ur­laugu. Hún spyr mig hvort ég sé að fylgj­ast með töl­fræðinni okk­ar á net­inu og seg­ir að ekki sé um tölvu­árás að ræða held­ur séu raun­veru­leg­ir not­end­ur að flykkj­ast inn. Þarna hafði þátt­ur­inn verið sýnd­ur í hol­lensku sjón­varpi og holskefla af þarlend­um not­end­um sótti sér appið með þess­um af­leiðing­um.“

Spá í sömu hlut­ina

Alma seg­ir að hún hafi ekki vitað fyr­ir­fram hvað Hol­lend­ing­ar væru í raun lík­ir Íslend­ing­um. „Þau spá mikið í sömu hlut­ina. Hol­lend­ing­ar eru mjög meðvitaðir um jafn­rétt­is­mál og jafn­vægi milli starfs og einka­lífs. Á sama tíma eru þeir mjög skipu­lagðir og blátt áfram. Þetta er markaður sem hent­ar vel fyr­ir lausn eins og Heima.“

Alma bæt­ir við að notk­un gervi­greind­ar sé haf­in hjá Heima en tækn­in hjálp­ar til við að stilla upp verk­efn­um inn­an heim­il­is­ins. „Við grín­umst stund­um með þegar rætt er um að gervi­greind eigi eft­ir að út­rýma störf­um, hvort hún muni ekki líka taka að sér heim­il­is­störf­in,“ seg­ir Alma að lok­um.