Afkoma af tryggingum lökust á Íslandi

Hér á landi var þetta sam­setta hlut­fall ávallt hærra en 100% á þessu sjö ára tíma­bili nema árið 2021 þegar það var 96% sem skýrist m.a. af covid-far­aldr­in­um, sem leiddi af sér mun minni um­ferð og þ.a.l. fækk­un slysa. Það var mjög sjald­séð að eitt­hvert hinna 29 land­anna væri með tap af vá­trygg­inga­hluta starf­sem­inn­ar á þessu tíma­bili eða í inn­an við 5% til­fella. Að meðaltali var sam­setta hlut­fallið 91,3% hjá hinum lönd­un­um 29 á tíma­bil­inu. Ann­ars staðar á Norður­lönd­un­um var sam­setta hlut­fallið á bil­inu 85% til 96% en hlut­fallið var lægst í Dan­mörku og hæst í Svíþjóð.

Gúst­af Stein­gríms­son hag­fræðing­ur SFF seg­ir þess­ar töl­ur vís­bend­ingu um hátt sam­keppn­is­stig á inn­lend­um vá­trygg­inga­markaði. Hann bend­ir á í þessu sam­hengi að hreyf­an­leiki neyt­enda á ís­lensk­um fjár­mála­markaði hafi mælst um­tals­vert meiri en í öll­um lönd­um Evr­ópu­sam­bands­ins.

Gúst­af nefn­ir einnig að vægi öku­tækja­trygg­inga, sem sé stærsti flokk­ur vá­trygg­inga á Íslandi, sé það minnsta í sam­ræmdri vísi­tölu neyslu­verðs á Norður­lönd­um og nokkuð und­ir meðaltali Evr­ópu­sam­bands­ins eða 0,4% á Íslandi miðað við 0,8% að meðaltali inn­an ESB og 0,5%-1,2% ann­ars staðar á Norður­lönd­um.

Ísland sker sig jafn­framt veru­lega frá öðrum Evr­ópu­lönd­um þegar kem­ur að svo­kölluðu tjóna­hlut­falli sem var það næst­hæsta í Evr­ópu á tíma­bil­inu. Tjóna­hlut­fall mæl­ir út­greiðslur vegna tjóna í hlut­falli við iðgjöld.

Gúst­af seg­ir að á Íslandi hafi að jafnaði ríf­lega tvær krón­ur af hverj­um tíu sem trygg­inga­fé­lög­in fá í iðgjöld farið í að standa und­ir rekstri trygg­inga­fé­lags­ins en um átta krón­ur í að greiða út bæt­ur vegna tjóna sem þýði að iðgjöld­in stóðu ekki und­ir rekstr­in­um ein og sér. „Því hafa ís­lensk trygg­inga­fé­lög þurft að treysta á betri arðsemi af fjár­fest­inga­hluta starf­sem­inn­ar sem get­ur eðli máls­ins sam­kvæmt verið nokkuð sveiflu­kennd og ræðst fyrst og fremst af ytri markaðsþátt­um. Til að fá betri arðsemi gæti þurft að taka meiri áhættu s.s. með því að hafa meira vægi hluta­bréfa í eigna­söfn­um sín­um. Þarna sker Ísland sig ein­mitt veru­lega frá öðrum Evr­ópu­lönd­um en hlut­fall hluta­bréfa í eigna­safni trygg­inga­fé­laga á Íslandi er það lang­hæsta í Evr­ópu. Í árs­lok 2023 var hlut­fallið 18% á Íslandi en næst­hæst í Svíþjóð eða um 6% sam­kvæmt töl­um EI­OPA.“

Þau ís­lensku trygg­inga­fé­lög sem birt hafa upp­gjör fyr­ir fyrsta fjórðung árs­ins voru öll rek­in með tapi, en nei­kvæð af­koma af fjár­fest­inga­hluta starf­sem­inn­ar litaði upp­gjör­in.