Rafmyntir hreyfst hraðast eignaflokka

Daði bend­ir á að ný­verið greiddi öld­unga­deild Banda­ríkjaþings at­kvæði um frum­varp sem varðar stöðug­leika­mynt­ir. Daði seg­ir þetta „já­kvætt og stórt skref“ í átt að skýr­ara reglu­um­hverfi í kring­um raf­mynt­ir og notk­un þeirra í hefðbundnu greiðslu­kerfi.

„Við mun­um sjá aukna reglu­setn­ingu og skýr­ari leik­regl­ur sem eru nauðsyn­leg­ar fyr­ir tækni­innviði geir­ans,“ bæt­ir hann við.

„Það eru stór­ar frétt­ir að koma inn nán­ast dag­lega. Við sjá­um þjóðarsjóðinn í Abú Dabí fjár­festa í bitco­in og nokk­ur banda­rísk ríki hafa nú þegar und­ir­ritað frum­vörp sem heim­ila fjár­fest­ing­ar í raf­mynt­um sem hluta af vara­sjóðum ríkj­anna.“

Daði seg­ir að staðan á raf­mynta­mörkuðum hafi verið góð síðustu vik­ur. Mikl­ar sveifl­ur hafi átt sér stað á mörkuðunum.

„Við sjá­um að raf­mynt­ir hafa hreyfst hraðast allra eigna­flokka síðustu vik­ur, sér­stak­lega eft­ir svo­kallaðan „frels­is­dag“ hjá Trump í byrj­un apríl. Þetta virðist hafa verið vendipunkt­ur,“ seg­ir Daði.

Bjart­sýnn á horf­urn­ar

Bitco­in sló í 112.000 doll­ara markið í vik­unni, sem er nýtt há­gildi, og að sögn Daða rík­ir mik­il seigla í geir­an­um þrátt fyr­ir óróa á mörkuðum á ár­inu. „Við höf­um séð skörp um­skipti frá botni. Þetta sýn­ir að eigna­flokk­ur­inn stend­ur sig vel, jafn­vel í ólgu­sjó.“

At­hygli vek­ur að sam­kvæmt nýj­ustu gögn­um hafa bitco­in-kaup­hall­ar­sjóðir hlotið meira inn­streymi fjár á síðustu 2-3 vik­um en gullsjóðir. „Það bend­ir til sterks trausts stofnana­fjár­festa. Þetta gef­ur geir­an­um breiðari og stöðugri grunn en áður,“ seg­ir Daði.

Annað merki um aukna viður­kenn­ingu geir­ans er að Co­in­ba­se, ein stærsta raf­mynta­kaup­höll í Banda­ríkj­un­um, var í síðustu viku tek­in inn í S&P 500-vísi­töl­una. „Þetta er mikið skref. Það er mikið af­rek að kom­ast í hóp 500 stærstu fyr­ir­tækja í Banda­ríkj­un­um og sýn­ir að raf­mynta­geir­inn er að fá aukna vigt.“

Spurður um horf­urn­ar á raf­mynta­mörkuðum á ár­inu kveðst Daði vera mjög bratt­ur.

„Sú bjart­sýni er ekki síst því við erum að sjá breytta heims­mynd spil­ast út. Mjög stór hluti af alþjóðleg­um fjár­fest­um er með mik­inn hluta af sínu eigna­safni í Banda­ríkj­un­um. Vægi Banda­ríkj­anna í heims­vísi­tölu MSCI er 71%,“ seg­ir Daði og bæt­ir við að vend­ing­arn­ar vest­an­hafs geri það að verk­um að alþjóðleg­ir fjár­fest­ar íhugi að minnka yf­ir­vi­gt sína í banda­rísk­um eign­um.

„Þessi þróun skap­ar ný tæki­færi fyr­ir óháða eigna­flokka á borð við bitco­in og gull, þar sem slík­ar eign­ir veita skjól fyr­ir póli­tískri áhættu,“ seg­ir Daði að lok­um.