„Ekkert hrun að eiga sér stað“ - Gistinóttum fjölgar

Gist­inæt­ur á hót­el­um í apríl voru rúm­lega 369.000 á landsvísu eða um 11,3% fleiri en á sama tíma í fyrra þegar þær voru 332.000 tals­ins. Þetta segja bráðabirgðatöl­ur Hag­stofu Íslands.

Gistinótt­um fjölgaði mest á Norður­landi (47,8%) en þá var einnig um­tals­verð aukn­ing á Suður­landi (14,3%), Vest­ur­landi og Vest­fjörðum (14,1%) og Aust­ur­landi (13,5%). Um 7,4% aukn­ing var á Suður­nesj­um og 5,6% á höfuðborg­ar­svæðinu.

Hluta aukn­ing­ar­inn­ar milli ára má ef til vill skýra með því að frí­dag­ar vegna páska­hátíðar voru snemma í apríl 2025 en árið 2024 voru þeir í mars.

Gist­inæt­ur er­lendra ferðamanna voru tæp­lega 324.000, eða 88% af gistinótt­um hót­ela, það er 17% aukn­ing frá því í fyrra. Gist­inæt­ur Íslend­inga á hót­el­um voru tæp­lega 46.000. Þeim fækkaði nokkuð á milli ára.

Ekk­ert hrun að eiga sér stað

Jó­hann­es Þór Skúla­son, fram­kvæmda­stjóri sam­taka ferðaþjón­ust­unn­ar, seg­ir fjölg­un gistinótta já­kvæða. Þær töl­ur sem sam­tök­in hafi gefi til kynna að bók­un­arstaða fyr­ir sum­arið sé þokka­leg. „Það er ekk­ert hrun að eiga sér stað,“ seg­ir hann. 

Leng­ur frek­ar en fleiri

Jó­hann­es seg­ir mik­il­væg­asta mark­miðið vera að fá ferðamenn til að dvelja leng­ur á land­inu frek­ar en að fá fleiri til lands­ins. „Það er í raun miklu betri leið til að auka verðmæti held­ur en endi­lega að moka inn fleir­um og fleir­um. Við sjá­um mjög skýrt og beint sam­hengi í því þegar meðalfjöldi gistinótta hvers ferðamanns fjölg­ar þá fara þeir víðar um landið og verja meiri verðmæt­um í byggðum fjarri höfuðborg­inni og dreifa verðmæt­um bet­ur um landið. Það er mjög já­kvætt,“ seg­ir hann.

Breyt­ing­ar í Banda­ríkj­un­um

Bók­un­ar­glugg­inn, þ.e. með hvaða fyr­ir­vara ferðamenn bóka ferðir, seg­ir Jó­hann­es hafa styst síðan í Covid far­aldr­in­um. Þar af leiðandi sé erfitt að spá fyr­ir um ferðamanna­fjölda og fjölda gistinótta meira en þrjá til fimm mánuði fram í tím­an. Þá nefn­ir hann breyt­ing­ar í Banda­ríkj­un­um og áhrif­in sem þær hafi á ferðamannaiðnaðinn. Evr­ópu­bú­ar sem ferðist vest­ur til Banda­ríkj­anna milli­lendi marg­ir á Íslandi en áhugi þeirra á ferðalög­um til Banda­ríkj­anna sé að minnka. 

„Þá er spurn­ing hvort þessi hóp­ur sjái fyr­ir sér að ferðast til annarra áfangastaða í staðinn, þá er Ísland á kort­inu eins og aðrir staðir,“ seg­ir Jó­hann­es.

• Blogga um frétt