Fjárfestar munu að óbreyttu innleysa mikið tap

Tveir af stærstu hlut­höf­um flug­fé­lags­ins Play, þeir Ein­ar Örn Ólafs­son for­stjóri og Elías Skúli Skúla­son, vara­formaður stjórn­ar, stefna á að gera yf­ir­töku­til­boð í alla hluti fé­lags­ins upp á 1 krónu á hlut og af­skrá fé­lagið af hluta­bréfa­markaði. Sam­svar­ar það um 1,89 millj­örðum króna, ef tekið er mið af út­gefn­um hlut­um. Val er um að fá bréf í yf­ir­töku­fé­lag­inu eða pen­inga­greiðslu.

Þetta kem­ur fram í til­kynn­ingu sem send var til Kaup­hall­ar eft­ir lok­un markaða í gær. Fram kem­ur að unnið sé að fjár­mögn­un og vísað til þess að yf­ir­töku­fé­lagið (BBL 212 hf.) verði fjár­magnað með að lág­marki 20 millj­óna doll­ara fjár­fram­lagi (um 2,5 millj­arðar króna), en af þeirri fjár­hæð er þegar skuld­bind­ing fyr­ir um 7 millj­ón­um doll­ara (um 880 millj­ón­ir króna). Hluti af því eru lána­fyr­ir­greiðslur.

Yf­ir­töku­fé­lagið hef­ur tryggt sér 20% stuðning hlut­hafa við til­boðið en bygg­ir til­boð sitt á samþykki 90% hlut­hafa. Arctica Fin­ance mun starfa sem ráðgjafi fyr­ir yf­ir­töku­fé­lagið. Til­boð verður ekki form­lega lagt fram fyrr en yf­ir­töku­fé­lagið safn­ar þess­um 20 millj­ón doll­ur­um og því á eft­ir að tryggja um 13 millj­ón­ir doll­ara.

Gustað hef­ur um fé­lagið síðustu mánuði og hluta­bréfa­verð lækkað um nærri 97% frá því að fé­lagið var skráð á First North-markaðinn sum­arið 2021. Í frumút­boðinu var útboðsgengi 18 krón­ur á hlut. Fé­lagið var síðar skráð á aðal­markað árið 2024. Erfiðlega hef­ur gengið í rekstr­in­um, fjár­mun­ir sótt­ir til að styrkja fé­lagið og viðskiptalíkani breytt til að reyna að finna rétta rekstr­ar­leið til framtíðar.

Eft­ir tíma­bundna hækk­un fyrstu vik­ur eft­ir skrán­ingu, þegar gengi bréfa fé­lags­ins fór yfir 20 krón­ur, fór gengi bréf­anna að lækka jafnt og þétt. Í byrj­un árs 2022 var gengi fé­lags­ins 23,7 krón­ur á hlut en endaði árið í 13,1 krónu á hlut. Gengi bréfa fé­lags­ins endaði síðan árið 2024 í 1 krónu og náði lág­marki 12. mars í geng­inu 0,64 og var 0,81 króna á hlut við lok­un markaða í gær.

Ljóst er að við þessa breyt­ingu á eign­ar­haldi fé­lags­ins munu fjár­fest­ar að óbreyttu inn­leysa mikið tap á fjár­fest­ingu sinni og er Birta líf­eyr­is­sjóður þar einna stærst­ur enda skráður fyr­ir um 10,35% hlut. Til­boðsverðið er engu að síður um 24% hærra en loka­gengi gær­dags­ins.

Í yf­ir­lýs­ingu kem­ur fram að fé­lagið verði tekið af markaði, flug til Banda­ríkj­anna lagt af frá og með októ­ber 2025 og áhersla lögð á sól­ar­landa­ferðir og leigu­verk­efni. Fjór­ar vél­ar munu sinna Íslandi, en sex verða leigðar til er­lendra aðila. Fé­lagið mun starfa und­ir malt­nesku flugrekstr­ar­leyfi en fé­lagið hef­ur skilað inn ís­lenska flugrekstr­ar­leyf­inu.

Haft er eft­ir Ein­ari Erni Ólafs­syni, fjár­festi og for­stjóra Play, að hér sé fyrst og fremst um að ræða áform um praktísk­ar breyt­ing­ar á starf­semi ís­lenska flug­fé­lags­ins Play. Fyr­ir hlut­hafa Play og þar á meðal líf­eyr­is­sjóði er þetta hins veg­ar staðfest­ing á millj­arða tapi fjár­fest­ing­ar í fé­lag­inu.

Haft er eft­ir Ein­ari í til­kynn­ingu:

„Með þeim leggj­um við áherslu á arðbæra þætti rekst­urs­ins, það er sól­ar­landa­flug, og hætt­um þeim hluta rekst­urs­ins sem hef­ur ekki skilað ár­angri. Við hlökk­um til að halda áfram að stuðla að sam­keppni á flug­markaði í rauðu vél­un­um, með ís­lensk­um áhöfn­um. Meg­in­mark­mið okk­ar er nú sem fyrr að bjóða Íslend­ing­um hag­kvæm flug­farfar­gjöld í sól­ina.“

Um­fjöll­un í ViðskiptaMogg­an­um í morg­un.