Hægt að skipta landinu í verðsvæði

Svandís Hlín Karls­dótt­ir, fram­kvæmda­stjóri viðskipta- og kerf­isþró­un­ar hjá Landsneti, seg­ir að þetta fyr­ir­komu­lag gæti verið áhuga­verð leið fyr­ir Ísland. Hægt væri að nýta verðmun sem skap­ast vegna flutn­ingstak­mark­ana milli verðsvæða inn­an­lands, t.d. milli Norður- og Suður­lands, til að afla tekna og lækka gjöld.

„Við gæt­um í raun dregið úr gjöld­un­um hjá okk­ur,“ seg­ir Svandís. Tekj­urn­ar sem mynd­ast vegna verðmun­ar myndu þá renna til flutn­ings­fyr­ir­tæk­is­ins og koma í stað hefðbund­inna flutn­ings­gjalda.

Verðmun­ur skap­ast yf­ir­leitt þegar flutn­ingstak­mark­an­ir eru fyr­ir hendi, t.d. þegar fram­boð er gott á einu svæði og eft­ir­spurn meiri á öðru. Þá get­ur verið hærra verð á öðru svæðinu og lægra á hinu, og það skap­ar tekj­ur fyr­ir þann sem flyt­ur ork­una á milli, þ.e. flutn­ings­fyr­ir­tækið.

Svandís und­ir­strik­ar þó að ákvörðun um slíka breyt­ingu sé ekki á hönd­um Landsnets ein­göngu. Flutn­ings­fyr­ir­tækið starfi sam­kvæmt stefnu stjórn­valda og eigi að tryggja jafn­ræði.