HILI verður Aparta og stefnir á vöxt í Evrópu

Ný­sköp­un­ar­fyr­ir­tækið HILI hef­ur tekið upp nýtt nafn og vörumerki, Aparta, í aðdrag­anda mik­ill­ar stækk­un­ar á evr­ópsk­um mörkuðum. Fyr­ir­tækið, sem þegar starfar í Nor­egi, Svíþjóð, Dan­mörku og á Íslandi, hyggst hefja starf­semi á fleiri mörkuðum á ár­un­um 2025 og 2026.

„Við höf­um kynnt nýja ímynd og nýtt vörumerki sem end­ur­spegl­ar bet­ur hver við erum og framtíðina sem við erum að byggja. Aparta end­ur­spegl­ar kjarna­hug­mynd okk­ar um að fjár­festa í hlut af heim­il­inu þínu sem lang­tíma fag­leg­ur meðeig­andi,“ seg­ir Sig­urður Viðars­son, fram­kvæmda­stjóri Aparta á Íslandi, í til­kynn­ingu Aparta.

Aparta (áður HILI) er norsk­ur sam­eign­ar­vett­vang­ur og sá fyrsti sinn­ar teg­und­ar í Evr­ópu. Aparta hef­ur það að mark­miði að breyta aðgengi að fast­eigna­fjár­fest­ing­um með sveigj­an­leg­um og sta­f­ræn­um lausn­um.

Nýtt form fjár­fest­ing­ar

Aparta býður upp á nýtt form fjár­fest­inga í íbúðar­hús­næði þar sem fast­eigna­eig­end­ur geta losað fjár­magn úr eign­um sín­um án þess að selja eða auka skuld­ir. Fyr­ir­tækið verður meðeig­andi að eign­inni og eig­and­inn held­ur áfram að búa í henni og nota hana að fullu.

„Við erum að byggja upp innviði fyr­ir fjár­fest­ing­ar í heim­il­um í Evr­ópu. Nýja vörumerkið styður metnað okk­ar: að gera sam­eign að al­menn­um, áreiðan­leg­um og aðgengi­leg­um kosti fyr­ir bæði fast­eigna­eig­end­ur og fjár­festa,“ seg­ir Sig­urður, sem sam­kvæmt til­kynn­ing­unni hef­ur víðtæka reynslu úr fjár­mála­geir­an­um, meðal ann­ars sem for­stjóri TM og aðstoðarfor­stjóri Kviku banka.

Aparta hef­ur þegar opnað vefsíðu þar sem bæði fast­eigna­eig­end­ur og fjár­fest­ar geta kynnt sér tæki­færi á vett­vang­in­um. Fyr­ir­tækið hef­ur einnig gert sam­starfs­samn­ing við Stefni, stærsta sjóðastýr­ing­ar­fyr­ir­tæki lands­ins, um stofn­un fyrsta bú­setusam­eign­ar­sjóðs Íslands sem bygg­ir á lausn Aparta. Svipað sam­starf er í burðarliðnum víðar á Norður­lönd­un­um og í Evr­ópu.

• Blogga um frétt