Útgáfa Lánamála óskynsamleg

„Það er óskyn­sam­legt að stýra út­gáfu rík­is­skulda­bréfa með svona litl­um sveigj­an­leika, sér­stak­lega þegar markaður­inn er að glíma við aukið fram­boð og sveiflu­kennda markaði, bæði hér heima og er­lend­is,“ seg­ir hann í sam­tali við ViðskiptaMogg­ann. „Með því að hafa meiri sveigj­an­leika og fjöl­breytni í út­gáfu verðtryggðra sem óverðtryggðra skulda­bréfa hefðu Lána­mál lík­lega getað fengið meiri og hag­stæðari lang­tíma­fjár­mögn­un í stað þess að neyðast til að treysta jafn mikið á skamm­tíma­fjár­mögn­un og reynd­in hef­ur verið á ár­inu.“

Gunn­ar Erl­ings­son, for­stöðumaður skulda­bréfamiðlun­ar hjá Ari­on, bend­ir á að hækk­un ávöxt­un­ar­kröfu lengri verðtryggðra bréfa megi skýra með því að Seðlabank­inn hafi gefið skýrt til kynna að frek­ari vaxta­lækk­an­ir væru háðar því að verðbólga lækkaði veru­lega, og að líf­eyr­is­sjóðir – helstu kaup­end­ur langra verðtryggðra bréfa – kunni að vera tíma­bundið mett­ir hvað varðar áhuga á slík­um bréf­um.

„Skila­boð pen­inga­stefnu­nefnd­ar Seðlabank­ans eft­ir vaxta­lækk­un­ina í maí voru mjög skýr: það verða eng­ar frek­ari lækk­an­ir nema verðbólg­an fær­ist nær 2,5% mark­miðinu,“ seg­ir Gunn­ar. Þetta hafi orðið til þess að fjár­fest­ar geri sér nú bet­ur grein fyr­ir að háir vext­ir geti varað leng­ur en áður var talið. Því fær­ist ávöxt­un­ar­krafa verðtryggðra lang­tíma­bréfa nær raun­veru­legu aðhalds­stigi pen­inga­stefn­unn­ar.

Hann bend­ir einnig á að áhrif slita ÍL-sjóðs hafi verið tals­verð. „Það eru all­ir þess­ir nýju verðtryggðu flokk­ar sem líf­eyr­is­sjóðunum voru af­hent­ir. Kaup­enda­hóp­ur­inn er því ef til vill orðinn mett­ur í bili og mögu­lega að átta sig á safn­inu og skuld­bind­ing­um sín­um.“

Al­mennt hafa ís­lensk­ir lang­tíma­vext­ir hækkað tals­vert á ár­inu, tals­vert meira en er­lend­is, og at­hygli vek­ur að ávöxt­un­ar­krafa verðtryggðra rík­is­skulda­bréfa með fimm ára eða lengri líf­tíma hef­ur hækkað um­tals­vert síðustu mánuði, þrátt fyr­ir að verðbólga hafi mælst þó nokkuð yfir vænt­ing­um. Að sögn Agn­ars end­ur­spegl­ar þetta breytt­ar vænt­ing­ar markaðar­ins um þróun verðbólgu og raun­vaxta horft fram á veg­inn.

„Markaður­inn er að segja okk­ur að það þurfi meiri vinnu við að kæla hag­kerfið og að hærri raun­vext­ir verði til staðar til lengri tíma,“ út­skýr­ir hann. En hann bend­ir einnig á að pen­inga­stefn­an verði áhrifam­inni eft­ir því sem fleiri fyr­ir­tæki og heim­ili færa sig yfir í verðtryggða vexti sem dragi veru­lega úr biti pen­inga­stefn­unn­ar.

Lesa má grein­ina í heild sinni í ViðskiptaMogg­an­um.